“ყრუ-უსინათლო პირთა ხმა საქართველოში” – პროექტის პრეზენტაცია

17 მაისს, თბილისში, სასტუმრო ჰოლიდეი ინნში, გაიმართა პროექტის “ყრუ-უსინათლო პირთა ხმა საქართველოში” პრეზენტაცია, რომელსაც ბულგარეთის რესპუბლიკის ელჩი საქართველოში, ქალბატონი დესისლავა ივანოვნა დაესწრო.

პროექტის “ყრუ-უსინათლო პირთა ხმა საქართველოში” მიზანია საქართველოში ყრუ-უსინათლო პირთა უფლებების დაცვა და მათი ჩართულობის ხელშეწყობა. პროექტი ხორციელდება საქართველოს ყრუ-უსინათლო პირთა კავშირისა და ბულგარეთის ყრუ-უსინათლოთა ეროვნული ასოციაციის (NADbBg) მჭიდრო თანამშრომლობით.
მის ფარგლებში, ყრუ-უსინათლო პირთა კლუბების ბენეფიციარები მიიღებენ თარჯიმან-მეგზურისა და ჟესტური ენის თარჯიმნის მომსახურებას:
ონლაინ
პირისპირ
კონსულტირებას სოციალურ და იურიდიულ საკითხებთან დაკავშირებით.

 პროექტი დაფინანსებულია ბულგარეთის რესპუბლიკის საგარეო საქმეთა სამინისტროს მიერ, ბულგარეთის რესპუბლიკის განვითარების დახმარების პროგრამის ფარგლებში და ხორციელდება ბულგარეთის რესპუბლიკის საელჩოს მხარდაჭერით თბილისში ჰუმანდოკის სამხრეთ კავკასიის რეგიონალური ოფისისა/HumanDoc South Caucasus Regional Office in Tbilisi და საქართველოს ყრუ-უსინათლო პირთა კავშირის მიერ.